Muuamaakkormiut Fogh Rasmussenip oqaaseqarfigai

Danskit ministeriunerata Anders Fogh Rasmussenip aviisip Jyllands-Postenip pruffiitimik Muamaamik titartakkanik aqqaneq marlunnik saqqummiussinerata kingunerisaanik qisuariaatit oqaaseqarfigai.

Avataanit, minnerunngitsumik USA-mit taperserneqarnini qujamasuutigaa:

Danskit ministeriunerata Anders Fogh Rasmussenip TV-qarfik CNN USA-mi illoqarfimmi Atlantami qullersaqarfeqartumiittukkut qujassuteqarnermini USA-p præsidentiata George W. Buship tapersiinera qujamasuutigaa.

Tusagassiortunik katersortitsinermi ministeriuneq Anders Fogh Rasmussen nunanullu allanut ministeri Per Stig Møller paarlakaattumik danskisut tuluttullu oqaaseqaqattaarput; oqaatsissatik mianersuuppaat saammisaartumillu nipeqarlutik. Minnerunngitsumillu nunanit araberisut oqaluffiusunit qingoqqisut tapersersuisut, Danmarkimilu pissutsinik piviusunik paasisitsiniaaqataasimasut qutsavigalugit.

Danskit naalakkersuisuisa aalajangiusimavaat Syriami aallartitaqarfimmik ikuallanneqarnera Syriamiut naalakkersuisuisa akilissagaat. Ajuusaarutiginerarpaa muamaamik ingasaassillutik upperinnittut perulluliorneri, uppeqataalu piuaannerit upissullugit.

Anders Fogh Rasmussenip Per Stig Møllerillu nunat eqqissiviilliorfiusut naalakkersuisui ataavartumik attaviginerpaat. Oqaloqatigiinnertigut, paaseqatigiinnikkut akaareqatigiinnikkut suleqatigiilluni pisut anigorniagassaanerarpaat.