Inuit Ataqatgiit siulittaasuat isumasiuineq kingulleq upperisssagaanni Naaalakkersuisunngortussanut siulittaasunngorsinnaavoq.

Muté B. Egedep isumasiuineq uiviutiginngikkaa

Inuit Ataqatigiit siulittaasuiata, Muté B. Egedep, isumasiuineq imminerminnut isumalluarnartoq nangaanartippaa - iligiikkuutaarlunili naalakkersuinermik suliaqarnermik taamaatitsinissamut piareeqqalluni oqarpoq.

HS Analysep Sermitsiaq.AG sinnerlugu isumasiuinera upperissagaanni, Inatsiartunut qinersisut pingajorarterutaannit amerlanerit Inuit Ataqatigiinnik qinersissapput.

IA marlunngorpat qinersisussat 36 procentiisa taaguutissagaat, apersuinerup takutippaa, taamaalippallu IA Inatsisartuni sisamanik amerlanerusunik ilaasortaqalissaaq, aqqaneq marlunnik ilaasortaqalerluni nunatsinnilu partiini annerpaalissalluni.

Tamannalu IA-p siulittaasuata, Muté B. Egedip sooruami nuannaarutigaa. Isumasiuinerli uiviutiginngeqaa.

- Soorunami ullormi qinersivimmi qinersineq aatsaat naammassineqartarpoq, tassanilu aalajangersaasoqartarpoq. Kisianni una tikkuussineruvoq, partiittalu katersuuffiuartortutut inissisimanera nuannaarutigivara, taanna oqarpoq. 

Iligiikkuutaarumajunnaaartoq

IA-p siulittaasuata partiit allat tamaasa suleqatigisinnaavai - piumasaqaateqarlunili:

- Inuit Ataqatigiinni pingaarnerpaaq tassaavoq, inuit ulluinnarni atugaannik pitsanngorsaanissamik siunertaqarluni, aammalu avatangiisivut akiginagit eriagalugilli nunatta ineriartornissaanik tunngaveqartumik ingerlatsinissamut peqataarusuttut suleqatigissallugit uagut salliuttussaavagut. Inuit Ataqatigiinnniit mattussaqarnata periarfissat isigivagut nunatta suleqatigiiffiusumik qanoq ililluni ingerlaqqinnissaa peqataaffigissallugu, Muté B. Egede oqarpoq.

AAMMA ATUARUK Isumasiuineq: IA siuariangaatsiartussatut isikkoqarpoq

Taanna aamma naalakkersuinikkut ukiuni kingullerni pingasuni iligiikkuutaarsimaneq peqqutigalugu nunarput unittooqqaasimasoq oqarpoq.

- Nunatta pisariaqartitaa tassaavoq, politikkikkut ingerlariaqqissasugut, immitsinnut naapifissavut aamma ujartortariaqarivut, inuiaqatigiinnilu avissaartuunneq ataatsimoornermik taarsertariaqaripput, IA-p siulittasua oqarpoq.

Ilisimatusarfimmi inuiaqatigiilerinermi ilisimatooq, Rasmus Leander, naliliivoq, isumasiuineq IA-p siuttuuffigisaanik naalakkersuisoqatigiiliornissanik pingasunik periarfissiisoq. Taamaassappalli IA partiillu allat akueriuminaatsitaminnik akuerinnittariaqarput.

Naapitikkuminaassasut

- Naalakkersuisoqatigiittussat sorliugaluarpataluunniit niueqatigiittoqartariqarpoq naaperiartoqartariaqarlunilu, Rasmus Leander oqarpoq.

Naleraq tallimanik ilaasortaatitaqalersinnaavoq, taamaalillunilu IA amerlanerussuteqaqatigilersinnaallugu. Partiit taakkua Kuannersuarni piiaanissaq akerleraat, allarpassuartigulli isumaqatigiinngissuteqarlutik.

- Kuannersuarni aatsitassarsiornissamut suliniummut atatillugu isumaqatigiingaatsiarput kisianni, namminiilivinnermut aamma aalisarnermut atatillugu taama isumaqatigiitsiginngillat, inuiaqatigiilerinermut ilisimatooq oqarpoq.

Inuit Ataqatigiit Inatsisartuni amerlanerusunit taperserneqassappata aamma Siumut Demokratiillu akuulersinnaapput. Kisianni taava partiit taakkua arlaata Kuannersuit pillugit isummani tunulliutittariaqassavaa.

Isummersuutit

Nannumik assiliisoq © Vilhelm Lynge Hard

TV, radio: Qinersisartunik ataatsimiititsinerit

INATSISARTUNUT QINERSINEQ #IQ2021

Illoqarfinni assigiinngitsuni qinersisartunik ataatsimiititsinerit tv-kkut radiukkullu aallakaatilerpagut.

Sumiiffiit ornillugit imaluunniit Facebookimi quppernitsinni KNR-imi Qinersinermi apeqquteqarnissamut periarfissaqarputit:

facebook.com/qinersineq

Pilersaarutit uani takukkit