Muslimit palasiat Narsamut nuuppoq
Ahmed Akkari, Danmarkimi muuamaamik ilaarutilliilluni titartakkat aaqqiagiinngissutigineqarneranni pingaarutilimmik inissisimasimasoq, maanna Narsap Atuarfiani danskit tuluillu oqaasiinik ilinniartitsisutut atorfinitsinneqarsimavoq.
- Uannut perorsarluni angalanertut taaneqarsinnaavoq, Ahmed Akkari Sermitsiap nittartagaanut oqarpoq.
- Danmarki qatsukkakku nuunngilanga. Narsami atorfimmik inuttassarsiuisoqarmat, qinnuteqarfigigakku atorfinitsinneqarpunga. Kalaallit Nunaat nuna soqutiginartuuvoq Narsamilu tikilluaqquneqarluarpunga. Sivikinnerpaamik ukioq ataaseq Kalaallit Nunaanniissallunga naatsorsuutigaara, Ahmed Akkari oqarpoq.
Taanna Muuamaat ilaarutigalugu titartakkat aaqqiagiinngissutigineqarneranni qallunaat tusagassiorfiini sammineqartorujussuuvoq.
- Narsami aamma ilisarineqartarpunga, inuimmi uneriarlutik oqarfigisarpaannga: Illit siornatigut takoreernikuuakkit. Maanili inuit nuannersumik eqqissisimasuupput inussiarnersuullutillu, Ahmed Akkari Sermitsiamut oqarpoq.
