Musharraf tunuartinniarneqarpoq

Partiit naalakkersuisoqatigiit Musharrafip eqqartuunneqarnissaa siuniuppaat.
aggustip 07-at 2008 16:30

Pakistanimi naalakkersuisoqatigiit Præsident Pervez Musharraf tunuartinniarsarilermassuk naalagaaffimmi politikkikkut ajornartorsiortoqalerpoq.Benazir Bhutto-p uiata tusagassiortunik katersuutsitsinermini ersarissumik qinngarsuerpalulluni Musharraf-ip atia taavaa, malunnartumillu Musharraf-ip generaliunera ersarissarlugu. Bhutto-p uia, Sadari partiimi naalakkersuisuutitaqartumi PPP-mi siulittaasuuvoq partiillu naalakkersuisooqatimik siulittaasuanik, Nawar Sharif-imik qanoq præsidentip eqqartuunneqarsinnaalernissaa pillugu ulluni kingullerni marlunni isumasioqateqarsimalluni. Sharif 1999-imi Musharraf-imit uppitinneqarpoq, ukiunilu arlalinni nuna qimassimareerlugu Pakistanimut uteramili Musharraf-ip tunuarnissaa piumasarilerlugu. Partiit siulittaasuisa taakkua marluk sapaatip akunnerani aggersumi Musharraf inatsisartunit tatigineqanngitsutut nalilerneqarpat naalagaaffik sinnerlugu eqqartuussaanissaa siunniuppaat. Taamaalilluni Pakistanimi politikikkut annertuumik ajornartorsiortoqalerpoq.