Musharraf tunuaqquneqarpoq

Pakistanip præsidentiata Pervez Musharrafip tunuarniuteqarnissaa Musharrafip naalakkersuisoqataasa piumasaqaatigaat. Taamaaliunngippat inatsisartutigoortumik unnerluutigineqarnissaa suaarutigineqarpoq, illersornissamut ministeri Ahmed Mukhtar taama oqarpoq.
Allattoq Mads Lynge
aggustip 17-at 2008 13:42

Musharraf pissaanermik atornerluisimasutut unnerluutigineqarpoq, inatsisartunilu marlunngorpat taasissutigineqassalluni.

Pakistanip nunanut allanut ministeria Shah Mahmood Qureshi oqarpoq, Musharrafip tunuarnissani ullumi kingusinnerpaamillu aqagu suaarutigisariaqaraa.

Musharraf aammik kuutsitsinertaqanngitsumik pissaanermik 1999-imi tigusivoq, taamanikkut ministeriunerusoq Nawaz Sharif uppisinneqarami.

USA-p septembarip aqqarnanni 2001-imi saassunneqarmalli Pakistan USA-mik illersuisuunerpaanut ilaasimavoq, peqqarniisaarnianillu akiuinermut peqataasimalluni.