Musharraf sakkutuut naalaagaattut tunuarpoq
Ashfaq Kiyanilu sakkutuut qullersaattut maanna ivertinneqarpoq. Pervez Musharraf taamaalilluni Pakistanimi præsidentissatut aqagu ivertinneqassaaq.
Allattoq Mads Lynge
Pakistanimi præsidenti, Pervez Musharraf, nunap sakkutuuisa qullersaattut ullumi tunuarpoq.
Taamaalilluni Pakistanimi ukiuni arfineq pingasuni sakkutuunik naalakkersuisoqarneq tamaanga killeqarpoq. Musharrafip nammineq toqqakkani, general Ashfaq Kiyani, sakkutuut qullersaattut ivertippaa. Musharrafilu nammineq, ukiuni tulliuttuni tallimani præsidentiusussanngorluni aqagu ivertinneqassaaq, Ritzauimi taamatut allaaserinnittoqarpoq.
2008-mi januaarip arfineq pingajuanni Pakistanimi inatsisartunut qinersisoqassaaq.