Musharraf præsidentitut ivertinneqarpoq
Pervez Musharraf Pakistanimi præsidentitut imminut ullumi ivertippoq, maannakkulli sakkutuutut atisaqarani.
Musharrafip sakkutuut qullersaattut ippassaq tunuarpoq, siunissamilu inuinnartut tassa sakkutuutuunngitsoq præsidentiulissaaq. Musharrafip ullumi ulloq malunnaatilittut taavaa, Pakistanimi demokratii malillugu ingerlalerfittut. Avoqqaarinnittulli isumaqataanngillat, Musharrafimi novembarip pingajuani sakkortuumik naalakkersuilerpoq, ingasaassiniat ulorianartorsiortitsinerat utoqqatsissutigalugu, aammali imaassinnaammat eqqartuussiviit qullersaata Musharrafip qinigaanera inatsisinik unioqqutitsinertut nalileraat.
Danmarks Radiomiit paasisat malillugit eqqartuussiviit qullersaanni eqqartuussisut Musharrafip nammineq toqqagarai, præsidentitut inissinnermi akuerineqarnissaa qulakkeerniarlugu.
