Musharraf Pakistanimi politikerinngoqqinniarpoq

Pakistanip siornatigut præsidentiata Pervez Musharraffip Pakistanimut uternissani politikkimullu peqataaleqqinnissani pilersaarutigaa.
maajip 21-at 2010 12:04

Musharraf 2008-mi Pakistanimi pissaanermik tigumminnittuunini annaagamiulli ukiuni marlunni nunaminit qimarngusimavoq annerusumillu London najugaqarfigalugu.

Maannali tassa nunagisamini politikkimut ilanngunniaqqilerluni CNN-imi apersorneqarnermini oqarpoq. Musharraf-ip ministeriunertut præsidentitulluunniit anguniagaqarnissani naaggaarusunngilaa.

Siornatigut præsidentiusimasup taassuma angerlamut tikikkuni inatsisinik atuutsitsineq ajornartorsiutigilerataannaavaa. Ilaatigut Pakistanimi 2007-imi pissaanermik tigusiniarnermini eqqartuussisunik pakistanimiunik parnaarussaatitsisimanerminut unnerluutigisaasinnaalluni.

Musharraffip naalakkersuisumi aamma siornatigut præsidentiusimasup allap Benazir Bhutto-p 2007-imi toqutaanerata pinngitsoortinniarnissaanut naammattumik iliuuseqarsimannginnerat pillugu FN-ip unnerluussutaanut pisussaatinneqaleratarsinnaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq