Murmanskimi heroinimik arsaarinnissuteqartoqarpoq

Ruslandip kitaani avannaani illoqarfimmi Murmanskimi politiit imaannaanngitsunik sapaatip-akunnerani qaangiuttumi arsaarinnissuteqarput.

Tassami ikiaroornartut sakkortuut kiilut tallimat nassaarisimagamikkik – annerusumik tassaasut heroin aamma kokain. Nunap immikkoortuata ilaani tamaani ikiaroornartumik sakkortuumik arsaarinninneq aatsaat taama annertutigisoq euroarctic.com.-imi allaaserineqarpoq.

Niuertoq 25-nik ukiulik heroinimik 10 grammimik tigummiartoq tigusarineqarpoq, kingornatigullu heroin 3 kiilumit annerusoq, iisartakkat 7.000-it kokainilu angutip angerlarsimaffiani aamma nassaarineqarlutik.

Ikiaroorniutit sakkortuut isertortumik tuniniarneqartuugunik niuertumut isertitaqarusoqisumut 2,8 million koruuninik isertitsissutaasimassagaluarput. Maannali tamatumunnga taarsiullugu pisuutitaassaguni ukiut 20-t parnaarussaanissani ilimagissavaa.

Politiit oqarput, misissueqqissaarnertik aallartissimallugu niuertup pisisartui pilersuisuilu paasiniarlugit.