München Oktoberfestimi annertuumik sillimaniarnikkut sukateriffigineqarpoq.

Münchens Oktoberfest tassaasoq nunarsuami folkekulturs-ølfestivalini inuttunerpaajusartoq ullumi ammaanersiorneqarpoq.

Tyskit nunaanni piffissami kingullermi pinerliiniat jihadistit saassusseqattaarmata, isumannaallisaanikkut sukannersumik ammaanersiortoqarpoq.

189-sissaanik nunat immikkoortuini Bayernimi, illoqarfiit pingaarnersaani ølfestivalertitsineq pissaaq, Oktoberfiisti sapinngisamik isumannaalluinnartumik ingerlanniarparneqartoq München borgmesteriat Dieter Reiter oqarpoq.

Aggustimi tyskit illoqarfiisa ilaanni Solingen-imi savilersortoqarnerani inuit pingasut inuunerannik naleqartoq peqqutaalluni taama sillimaniarnikkut sukannersumik ingerlatsisoqarpoq. Sakkutuut islamisiortut saassussineq akisussaaffiginerarpaat.

Islamisk statinut malittaasimaneragaasoq Syriameersoq illoqarfimmi Solingenemi politiinit tigusarineqarpoq.

Münchenimi israelimiut siunnersorteqarfianni una qaammat (september) politiinut aallaasersortoqarnerani politiit angut toqullugu aallaavaat.

Sillimaniarnerup aqqani saviminernik malussarniutit danskisut metaldetektorerit aamma nammattakkanik misissuinerit, ilaatigut inuit unitsillugit misissuineqarpoq.

Oktoberip arfernata tungaanut nalliuttorsiortoqassaaq.

Immiaaqqat 6,5 millioner literit siorna festivalertoqarnerani inuit 7 milliunit sinnerlugit najuuttut ilaannit imerneqarput.

Pigaartut alaatsinaattut 1500-t aamma politiit 600-t nakkutilliissapput.

Nunap immikkoortoqarfiani Bayernimi ukiut tamaasa illoqarfik annersaani pingaarnersaanilu Münchenimi Oktoberfesteqartarpoq.

Inuit ukiut tamasa 6 millionit missaanik amerlatigisut najuuffigisagaat, festivalini tamani persuarsiutigineqartartut annersaattut nalilerneqartarpoq.

Festivalertoqarnerani nipilersortut, nereqatigiinnerit aliikkusersuinerillu tamalaat sammineqartarput, ilaatigut koorput atisaannik qarliit atisallu qanga atorneqartut takussaasarput. Taama nalliuttorsiornermi quusoortarluni erinarsortut soorlu hollalaateertut qarlortaammillu nipilersortut tusarsaasarput.

Ludvig af Bayern ukioq 1810-mi katittussanngormat festival ileqquliunneqarsimavoq.

Münchenip innuttai qaaqqusimavai, annerusumik hiistinik sukkaniunnertalerlugu nalliuttorsiutigineqarsimavoq, taamani inuit 40.000 missaaniittut najuussimapput.