Muhammedimik titartaasoq Lars Vilks politiillu marluk toqusut

Svenskeq eqqumiitsuliortoq, Lars Vilks, Krudttøndenimiitilluni saassunneqarnikuusoq, toqukkut qimaguppoq. Svenskit politiivisa tamanna uppernarsarpaat.

Allattoq Ritzau

oktobarip 04-at 2021 08:24

Nutserisoq Mads Lynge

Inuk politiinit paarineqartoq politiillu marluk Sverigemi biilertillutik sapaammi ajunaarput. Sverigemi politiit nittartakkaminni taama allapput.

Eqqumiitsuliortoq Lars Vilks, politiinit paarineqartoq ajunaartut akornanniittoq politiit uppernarsarpaat. Vilksip aappaata tamanna aviisimut Dagens Nyheterimut aamma uppernarsarpaa.

Vilks 75-inik ukioqarluni toquvoq.

Politiit biiliat lastbiilerlu motorvejimi aporput, politiillu marluk Lars Vilksilu tassani ajunaarlutik.

Lars Vilksip pruffiiti Muhammed qimmitut isikkoqartillugu titartakkani 2007-imi saqqummersippaa. Toqumut kingorna sioorasaarneqarpoq, politiiniillu sivisuumik paarineqalerluni.

Danmarkimi aviisip Jyllands-Postenip pruffiiti Muuamaat pillugu titartagai pingaartumik nunani arabiamioqarfiusuni aalassatsitsipput, Danmarkip nunani assigiinngitsuni aallartitaqarfii ilaatigut saassunneqarlutik.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.