Muhammad Ali toquvoq

Tilluuttartoq tusaamasaq, 74-inik ukioqarluni, unnuaq toqusoq, oqaaseqartitap Bob Gunnelip uppernarsarpaa. Mohammad Ali tilluuttartutut nalissaqanngitsutut oqaatigineqartarpoq, uissuumisitsisinnaasarninilu aamma tusaamasaassutigalugu.

Muhammad Ali fejrer FN's internationale fredsdag i 2004

Her møder Kofi Annan, daværende generalsekretær i FN, Muhammad Ali i 1998

Allattoq Sara K. Jakobsen, Karsten Sommer

juunip 04-at 2016 15:15

Cassius Clay-imik ateqarluni tilluunnermi 1960-imi OL-ertoqarmat unammereerluni kuultinnappoq tusaamasanngorlunilu. Taassuma kingorna nunarsuarmi 1964-imi pissartanngorpoq.

Sivitsunngittoq musliminngorpoq Muhammad Ali-millu imminut atserluni.

1960-kkunni 1970-kkunnilu akerliulluni pikitsitsisoqaraangat Ali peqataasarsimavoq, soorlu assersuutigalugu USA-p Vietnamimut sorsunniarneranut akerliusarsimalluni. Akerliugaangallu nipangersitassaaneq ajorpoq.

- Vietnamimi kiffaanngissutsimik anguniagaqatigiittut, Vietgong, akeqqatut isiginngilakka, illilli angut qaqortoq akeraavutit, Muhammad Ali Amerikamiunut ilinniartunut qaqortunik amilinnut oqarpoq.

Akerliusarnini pissutigalugu ukiorpassuarni tilluuteqqusaajunnaarpoq.

Sajunnermik, parkinsonimik, 1984-imi nappaateqalerami qaqutikkut takussaalerpoq.

Nappaammut, ukiuni 32-ini akiuutereerluni, anersaartuutimigut ajornartorsiuteqarluni, napparsimavimmi Phoeneximi unnuaq toquvoq.

Muhammad Ali tilluuttartuni sværvægtini pingasoriarluni nunarsuarmi pissartaanikuuvoq.

Muhammad Ali toquvoq

Aamma atuaruk