Mugabep qineqqusaarnera isornartorsiunngilaat
Naalagaaffiit Afrikamiittut peqatigiiffianni ataatimeeqatigiittoqarmat, nunanut allanut ministerit nalunaarusiorput, Mugabellu qineqqusaarnera pillugu nalunaarusiami isornartorsiuisoqarani.
Allattoq Louise M. Kleemann
juunip 30-at 2008 07:48
Inuit 90-it tikillugit toqutaasimassanngitinneqarput, 200.000-illu angerlarsimaffimminniit qimaatinneqarsimassangatinneqarlutik.
Nakuusertarnerup unitsillugu oqaloqatigiinnissap anguniarneqarnissaa nalunaarusiami innersuussutigineqartoq, nutaarsiassaleriffiup AP-p allaaseraa.
Kenyap ministeriunera Raila Odinga Afrikami nunani siuttuni Mugabemik isornartorsiuinerpaajuvoq, Afrikami naalagaaffiit peqatigiiffiat Zimbabwemi sakkutuuliinissaat oqariartutigalugu.
- Mugabe Afrikamut kanngusuutaavoq, Afrikamilu naalagaaffiit peqatigiit Zimbabwemi sakkutuuliinissaat pisariaqarpoq, Zimbabwemi innuttaasut aniguisinneqarnissaat taamaalilluni anguneqarsinnaassammat, Odinga, aviisimut Sunday Nationimut oqarpoq.
