Mugabe-mut illuatungiuliuttoq ajortumik pineqarsimanera nassuerutigineqarpoq
Anneruniarumatuup Robert Mugabe-p illuatungiliuttut siuttuata Morgan Tsvangirai-p saassunneqarnera ullumikkut tamanut ammasumik nassuerutigaa. Tamanna pivoq præsidentimut qinersinissamut atatillugu Zimbabwe-mi parti naalakkersuisuutitaqartoq ZANU PF parti kingumut qinnuigigamiuk præsidentimut qinigassanngorteqqeqqulluni.
Mugabe, Zimbabwe 1980-imi Tuluit Nunaannit avissaarmalli naalakkersuisimasoq, tapersersortiminut oqarpoq, sapaatip akunnerata siuliani Afrikami Kujallermiut suleqatigiiffianni (SADC-mi) ataatsimiinnerminni nunat siuttuinit allanit oqaatsimik ataatsimilluunniit isornartorsiorneqarsimanani.
Aamma Mugabe nuannarinnitsiminut oqalugiarnermini Tsvangirai-p saassunneqarnera isertuutinngilaa.
“Aap, oqaluttuuppakka nammineq pisuussutigisaminik unatarneqartoq”, Mugabe oqarpoq, matumanilu innersuussutigaa Tanzaniami SADC-mi siuttunut qanoq oqarsimanini.
