- Naatsorsuutigaarput siumungaaq maana malittarisassat taakkua ataqqineqarlutik sulineq ingerlanneqassasoq, Vivan Motzfeldt, KNR-imut oqarpoq.Assi: KNR / Malik Brøns

Motzfeldt Naalakkersuisunut oqaassisoq

Inatsisartut siulittaasuata Kukkunersiuinermut ataatsimiititaliamit uparuaanermik nassuiaateqarnera ukiakkut ataatsimiinnermi oqallinnermi qaqinneqarsinnaanerarpaa.

Allakkamik naveersinermillu Naalakkersuisunut nassiussisoqarpoq.

Inatsisartut siulittaasoqarfia allakkamik nassiussisuuvoq, allagarlu Kukkunersiuisut ataatsimiititaliaata Kim Kielsenimut Naalakkersuisunullu sakkortuumik uparuaanerannut qisuariarneruvoq.

Sakkortuumik uparuaaneq Kielsenip nipisattassanut qaffaaqataanermini tamatumalu saniatigut umiatsiaminik aalisartumut attartortitsisinermini attuumassuteqarpallaarsinnaanerminut maluginiaasimannginneranut ilaatigut tunngassuteqarpoq.

AAMMA ATUARUK Kim Kielsen sakkortuumik isornartorsiorneqarnerminut akissuteqarpoq: Tusaatissatut tiguneqarpoq

Ataatsimiiitaliap tamatuma saniatigut Naalakkersuisut suleqatiginerat isornartorsiorpai, taakkumi suliami paasissutissanik tamanik tunniussiumasimanngillat. Tamannalu Inatsisartuni siuliittaasoqarfiup pingaartumik ukkataraa.

- Naatsorsuutigaarput siumungaaq maana malittarisassat taakkua ataqqineqarlutik sulineq ingerlanneqassasoq, Vivan Motzfeldt, KNR-imut oqarpoq.

Malittarisassanik sukaterisoqarnissaanut pilersaaruteqartoqanngitsoq

Taassuma inatsisartut suleriaaseqarnermi peqqusinerat innersuussutigaa, tassanilu pingaartumik Aningaasaqarnermut ataatsimiititaliaq Kukkunersiuinermullu ataatsimiititaliaq paasissutissarsinissamut pisinnaatitaaffeqartoq allassimavoq. Aamma allakkanik uppernarsaatinik paasissutissanillu pisariaqartitaminnik pissarsiniarnerat ’aporfilersorneqassanngitsoq’.

- Inatsisartut tassaammata Naalakkersuisut sulineranni nakkutilliisuusussat. Tassanngalu sulineq aporfilersorneqassangitsoq soorunami Inatsisartut siulittaasoqarfianninngaanniit malinnaaffigalugu aamma peqataaffigisimavarput, Vivian Motzfeldt oqarpoq.

Paasissutissanik tunniussisarnermut malittarisassat sukaterneqarnissaanut pilersaaruteqanngilaq.

AAMMA ATUARUK Aleqa Dorisilu Kukkunersiuinermut ataatsimiititaliamit aamma misissorneqarnikuusut

Siulittaasup suliaq ukiakkut ataatsimiinnissami qaqinneqarsinnaasoq ilanngullugu oqaatigaa.

Tamanna assersuutigalugu kukkunersiuinermut ataatsimiititaliap suliaqarnerut attuumassuteqartup oqallisigineqarnerani pisinnaavoq. Inatsisartuni ilaasortat tamarmik suliamik qaqitsisinnaapput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat