New Zealandimi illoqarfimmi Christchurchimi moské al-Noor (assimiittoq) angummit aallaasersortumit nal. 14.30 missaani saassunneqarpoq. Qinoqatigiissut 300-t missaanniittut saassuppai.Assi: Abdullah@xtra.co.nz [Public domain]

Moskémik saassussinermit videoliap allanut ingerlateqqinnissaa mianersoqqussutigaat

Qallunaat Nunaanni politiit oqarput New Zealandimi saassussinermit videoliaq ingerlateqqikkaanni annertuumik kinguneqarsinnaasoq.

New Zealandimi moskét marluk saassunneqarnerisa kinguninngua saassussisuusorineqartumit videoliaq internettimi ingerlaalerpoq.

Qallunaat Nunaanni politiit sakkortunerpaamik kaammattuutigaat pisumit videoliaq ingerlateqqinneqassanngitsoq.

Naalagaaffiup politiivi tusagassiuutinut nalunaarumminni taama aallapput.

- Videoliaq ingerlateqqittarnagu. Qimataasunut tupinnaannartumik narrunarsaataasinnaavoq, ilaatigullu taamaattut ingerlateqittarneri inatsisitigut inerteqqutaasinnaallutik, Naalagaaffiup politiivini Nationalt Eftersforskiningscenterimi politiinspektøriusoq Mikael Wern nassuiaavoq.

AAMMA ATUARUK New Zealandimi saassussineq peqqarniisaarniarnerusoq

- Ilutigalugulu videoliat tamaattut takullugit tigullugillu misigisaasinnaavoq sakkortooq, annertuumillu namminermut kinguneqarsinnaallutik.

Kingullerni politiit inuit arlallit Marokkomi videoliamik ingerlatitseqissimasutut unnerluuppaat. Videoliami tassani arnat marluk, qallunaaq Norgemiorlu, decembarimi Marokkomi Atlasbjergini pisullutik angalaartillutik toqutaapput.

Suliami tassani inuit akuusut inuit allat inuttut kisimik pigisassaannut tunngasunik ingerlatitseqqissimasutut pingaarnermik unnerluutigineqarput. Aamma ataasiakkaat unnerluutigineqarput peqqarniisaarniarnermik akuersaarinnittutut.  

Qallunaat nalunaaqutaat malillugu tallimanngormat ullaap tungaa inuit 49 toqusimasut New Zealandimi oqartussanit ilumoornerarneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat