Montréalimi inuusuttut perulluliortut
Canadami Montréalimi inuusuttut angalaaginnartut politiinit ullumi malersorneqarput. Montréalip avannarpasinnerusortaani unnuap ingerlanerani perulluliortoqarlunilu aserorterisoqareersoq politiit inuusuttunik malersuipput.
Allattoq Louise M. Kleemann
Illoqarfiup ilaani, Henri Bourassa Park-imi, akerliussutsimik takutitsisut politiinit ippassaq avissaartinniarneqarput, politeerlu ataaseq aallaaneqarluni ikilerneqarpoq. Taamaalisoqareersoq perullulionerit aallartipput.
Politiit marluk angummik inuusuttumik tigusarinninniartillutik inuusuttunit 20-nit unguneqarsimapput, inuusuttullu siorasaarisutut pissusilersulermata politiip illuinnarsuutini amuaa eqqalerlunilu.
Inuusuttoq ataaseq toqutaavoq, allallu marluk ikilerneqarlutik. Taakku inuunerat navianartorsiorunnaareerpoq.
Politiit Québecimiittut pisimasoq maanna misissuiffigileruttorpaat, inunnillu killisiuillutik.