Montrealimi ataatsimeersuarneq naammassivoq

Silaannaap allanngoriartornera pillugu Montreal-imi ataatsimeersuarneq naammassivoq, peqataasullu 10.000-iusut akornanni nunat issittormiut peqataatitaat ataatsimmeersuarnermi sunniuteqarluarput.

Tupaallaatigineqartumik USA-p præsidenterisimasaa Bill Clinton, ataatsimeersuarnermut takkulluni oqalugiarpoq.

Clinton-ip oqalugiarnermini eqqaavaa, sermersuarmi qillerilluni misissuisimanerit, silaannaap allanngoriartupallanneranik uppernarsaataalluartumik qalluisoqarsimasoq. Clinton-ip toqqaannartumik Kalaallit Nunaat taanngikkaluaraa, ataatsimeersuarnermi peqataasunit ilisimaneqarluarpoq sermersuarmi qillerinerinerit Kalaallit Nunaanni ingerlanneqarsimasut.

Aasaq manna Ilulissani silaannaap allanngoriartornera pillugu ataatsimiisitsisoqarmat, avatangiiseq pillugu ministerit nunanit assigiinngitsorpassuarneersut peqataapput, Kalaallit Nunaatalu aaqqissuussilluarsimanera, Danmarkimi Miljøministerimit Connie Hedegaard-mit nersualaarneqarpoq.

Nunatsinni aaqqissuussimanermut assingusumik aappaagu Syd Afrikami aaqqissuussisoqaqqissaaq, tassanilu Danmark Kalaallit Nunaat, Sverige Canada-lu ataatsimeersuarnissamik aaqqissueqatigiissapput, ataatsimiinnissarlu Syd Afrika-mi Cape Town-imi ingerlanneqassaaq.