Moldovami suli akerliussutsimik takutitsipput
Ullumilu suli akerliussutsimik takutitsisoqarnissaa ilimagineqarpoq.
Akerliussutsimik takutitsisut parlamentit ataatsimiittarfiannik præsidentillu allaffianik tiguaareerlutillu qitiusumik naalakkersuisoqarfimmut ingerlaarput inuillu akornanni aak takussaalluni, ullumikkullu inuit sisamat toqutaasimapput, taakkualu tassaallutik arnaq ataaseq politiillu pingasut. Tamannalu pissutsit qanoq ittuunerannut ersiutaalluarpoq. Danmarkimi kikkunnit tamanit ilisimaneqarpallaanngilaq, akerliussutsimik takutitsisut suna anguniarneraat nassuiaatilaartigut.
- Akerliussutsimik takutitsisut Bardoningip kommunistiusumik ingerlatsinerata kingunerannik atugassarititaasut pillugit assorsuaq naammagittaalliorput. Moldova Europami nunanit piitsuunersaavoq inunnullu atugassarititaasut ajorluinnarlutik.
Illuatungiliuttut taasinernik kisitseqqinnissamut periarfissaqarpat?
- Ilaanneeqqammerpunga qanorlu pisoqarnersoq paasiniaallunga, pisortallu uterlutik takkuteqqammerput oqaloqatigiinnerullu minutsialunnguani qanoq ingerlarsimanerata tamanut saqqummiunneqarnissaa utaqqivarput, maannakkulli akissutissaq pissarsiarineqarsinnaanani, Janus Mørck Moldovamiit taama oqaluttuarpoq, taannalu Vibeke Holst Grønimit Danmarks Radiomeersumit oqaloqatigineqarluni.