Moldovami innuttaasut akerliupput

Europami nunat piitsuunersaanni Moldovami akerliussutsiminnik takutitsisoqarpoq. Aviisip Politikenip nittartagaani tamanna atuarneqarsinnaavoq.
apriilip 07-at 2009 11:09

Ilinniartut inatsisartut ataatsimiittarfiannut præsidentillu illorsuanut isaapput, pequtillu ikuallatseriarlugit silammut eqqarlugit.

- Inuit kamattorujussuupput, præsidentillu illorsuata silataani ikumatitsillutik. Politiit illorsuup iluaniit imermik sakkortuumik seqqitsaapput, Janus Gohr Nørk, qinersinermut atatillugu alaatsinaattunit SILBA-miit aallartitaq oqarpoq.

Moldovami ippassaq qinersisoqarpoq, naallu oqartussat alaatsinaatsitallu OECE-meersut qinersisoqarnerani peqquserluttoqannginneraagaluartut, tusatsiakkat peqquserluttoqarsimaneraasut imaaginnavipput. Moldovami pissutsit ilungersunarsilluinnarsimapput eqqissiviilliortoqarnissaami qangali ilimanarsereersimammat.

Inuusuttut akerliussutsimik takutitsisut politiinut maanna nalunaaquttap akunnerini marlussunni akersuussimalereerput, innuttaasullu 30.000-t politeerpassuit amerlaqisut akornanni aqqusinerni ingerlaaqataapput.

Maanna naalakkersuisuusunut illuatungiliuttut ilisimatusarfiillu akerliussutsimik takutitsinerit amerlanerit ulluni tullerni pisussat piareersaasiulereeraat, nutaarsiassaqartitsiviit ilanngullugu nalunaarutigaat.