Mobilikkut attavik 3G-imik taaguutilik aappaagu atulissaaq
3G atorlugu mobilikkut attavimmik atuilersitsinissaminut
Nokia Siemens Network-imik Tele Greenland isumaqatigiissuteqaqqammerpoq,
3G-p attavii atuisunut ataasiakkaanut mobiltelefonit atorlugit internetimut sukkanerusumik attaveqarsinnaanissamut periarfissiisussaapput. Mobiltelefonikkut attaviit sukkasuut atorusukkaanni 3G mobiltelefoneqartariaqartoq Tele Greenland tusagassiuutinut nalunaaruteqarluni allappoq.
TELE Greenlandip Mobilini 3G-ip atuutilersinneratigut, angallattakkamik qarasaasiallit, mobilikkullu sukkasuumik attavillit internetimik 7,2 Mbit. angullugu atuisinnaasumik periarfississavai ”3G-mik attavik aallaqqaammut Nuummi aallartinniarparput, tamatumallu kingorna ineriartortinnissaa nalilissallutigu, Tele Greenland allappoq.
Mobilikkut attavik sukkasooq sukkassuseq 14,4 Mbit tikillugu qaffanneqarsinnaavoq, siunissarlu eqqarsaatigalugu, atuisut kissaatigippassuk, suli qaffaqqissinnaanissaa periarfissaqalersillugu suliaalluni.
Taama aningaasaliinitsigut maanna atuuttoq 2G qaffassassavarput, taamaalillutalu atuisugut pitsaalluinnartumik periarfissinneqassapput”. Telep pisortaa Brian Buus Pedersen oqarpoq, nangillunilu: ”3G-p atulerneratigut mobiltelefoninik atuisugut, mobiltelefonitik atorlugit videotelefoni atorsinnaalissavaat. Oqaluussat mobilikkut isigiutigalugit oqaluussinnaalissallugit. Brian Buus Pedersen oqarpoq.