- Ukiormanna mobilertunit isertitavut angerlarsimaffinni telefonertunit isertitatsinniit amerlanerulerput. Siulittuinerpullu naapertorlu angerlarsimaffinni telefoneqarnermit isertitavut kaaviiaartitatsinnut naleqqiullugit milliartuinnavissapput. Brian Buus Pedersen, Tele Greenland-ip pisortaa oqarpoq akikilliliinerlu tunngavilersorlugu:
- Pingaaruteqarpoq erseqqississassallugu akikilliliineq malunnaateqarnerusumik mobileqarfiup iluani pissammat, tassami tassani aningaasarsiornerpaavugut, tassanilu kaaviiaartitat amerleriarneq anginerpaajulluni. Kukkunngikkuma akikilliliinerit 17,3 mio. koruuniusut 60 procentiisa missaat mobiilernermut akikilliliinerupput. Mobilernermi periarfissat arlalissuupput, soorlu allatanik nalunaarneq, filinik nassiussineq internetsernerlu. GSM-imi sms-erneq 25 ørimiit 20-ørimut akikillivarput, tusassimi 40 øremiit 30 øremut akikilligipput. Taakku saniatigut mobilikkut internetserneq siuarsarniarparput megabytemut aki 20 koruunimiit 10 koruuminut affaannanngortillugu.
