Mobiilit orsersortarfii assigiilissapput
Oqarasuaatit angallattakkat orsersortarfiisa tamarmik assigiilernissaat anguniarlugu EU-kommissioni mobilinik tunisassiortunik isumaqatigiissuteqarpoq.
Allattoq Jaaku Lyberth
juunip 29-at 2009 10:52
Isumaqatigiissuteqarnerup kingunerissavaa ukioq 2010-mit mobiilit orsersortarfii tamarmik assigiilissammata.
Inuit oqarasuaatinik angallattakkanik atuisartut ajornannginnerusumik mobilinik atuilernissaat EU kommissionimit neriuutigineqarpoq. Aammattaaq innaallagissamik atortorissaarutit atorunnaakkat iginneqartartut tonsinik amerlasuunik oqimaassusillit annikillisinneqarumaartut isumaqatigiissuteqarneq aallaavigalugu neriuutigineqarpoq.
EU-kommissionip mobiilinik tuniniaasartut arlallit isumaqatigiissuteqarfigai, ilaatigut Sony Ericsson, Nokia, Samsung aamma Apple isumaqatigiissuteqarfigineqarlutik.
