MMS nunatsinni

Decembarip tallimaat aallarnerfigalugu Mobiltelefonikkut assitalimmik oqaloqateqarsinnaaneq Nunatsinni atuutilissaaq.

MMS-mik taallugu assitalimmik mobiltelefonikkut oqaloqatigiissinnaaneq pisinnaassaaq illoqarfinni nunaqarfinnilu mobiltelefonikkut attaveqarfiusinnaasuni, minnerunngitsumillu mobiltelefoneqaraanni MMS-mik assitalimmik nassitsisinnaasumik.

Tele-Post-mi tusagassiisarnermik pisortaq Malínánguaq M.Mølgaard oqarpoq Upernavimmi Qaanaami Tasiilamilu nunaqarfiit, ukiumi nutaami mobiltelefonersinnaanermut attavinnik ikkussuiffigineqarnissaa tullernguuttoq.

Mobiltelefonikkut assitalerlugu oqaloqatigiissinnaalernerup saniatigut qarasaasiat angallattakkat mobiltelefoni aqqutigalugu internet-kut attaveqarsinnaanerat ajornarunnaassaaq. Taannalu taaguuteqarpoq GPRS. Periarfissamik taassuminnga atuilerusuttut mobiltelefonitik naleqqussassavaat, naleqqussaanissamullu najoqqutassaq Tele-Post-mut nittartakkamulluunniit aaneqarsinnaavoq.

Nunatsinni innuttaasut 70 %-ii mobiltelefoneqarput.