Bosniami serbiamilu sakkutuut naalagarsuarisimasaat ujaarineqartoq Ratko Mladic Naalagaaffiit Peqatigiit sorsunnermik pinerluuteqarsimasunik eqqartuussivissuanut tunniunneqarnissaa ullumi killeqaraluartoq, piffissaq kingullerpaaq atorlugu kinguartinneqarpoq.
Sakkutuut naalagarsuarisimasaat Serbiamit tunniunneqanngippat nunamut kingunipiloqassasoq EU-mit siorasaarutigineqarpoq.
Mladic tunniunneqanngippat EU-p Serbiap EU-mut ilanngunnissaanik isumaqatiginninniarnerit unitsinniarpai.
Ratko Mladic Jugoslaviasimasumi innuttaasut sorsunneranni inuiannik nungusaasimasutut pasineqarpoq, musliminillu 8000-nik Srebrenica-mi toqoraanermi akisussaatinneqarluni.
Mladic nunani tamani ujaarineqarpoq, Naalagaaffiillu Peqatigiit sorsunnermik pinerluuteqarsimasunik eqqartuussivissuani Haag-imiittumi eqqartuunneqassaaq.