Mittarfissat pillugit siunnersuutit ataatsimiititaliamut innersuunneqarput

Mittarfiit pillugit siunnersuutit ataatsimoortut Inatsisartunit ippassaq Sisamanngornermi siullermeerlugu oqallisigineqarput.
Allattoq Ane-Marie Petersen
novembarip 13-at 2015 13:09

Naalakkersuisut siunnersuutaat taperserneqarpat Nuummi Ilulissanilu mittarfiit tallineqartussanngussapput aammalu Qaqortumi, Tasiilami Ittoqqortoormiinilu mittarfiliortoqassalluni.

Nuummi Ilulissanilu mittarfiit talliniarneqarnerat salliutinneqarput, taakkualu 2018-imi 2019-imilu pilersaarutit malinneqarpata piareerneqarnissaat naatsorsuutigineqarput - aningaasaliisussalli suli qulakkeerneqanngillat.

Illuatungiliuttut Inuit Ataqatigiit Partii Naleqqallu siunnersuut tapersinngilaat. Nunatta iluani angallanneq akikinnerulernissaa aqqutissiuukkusunnerugamikku.

Inuit Ataqatigiit Nuummi Ilulissanilu mittarfissualiornissaq aalajangiiffigineqarnissaanut oqalliseqataatinnatik, Kangerlussuarmi mittarfissuup periarfissai misissuiffigeqqaarusuppaat.

Mittarfiit pillugit siunnersuut piviusunngortinneqassappat to milliardi koruuninik aningaasartuutaassaaq.

Siunnersuutigineqartoq Sanaartornermut ataatsimiititaliamut aappassaaneerneqartinnagu innersuunneqarpoq. 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq