Assi: Kalaallit Airports A/S

Siulersuisut siulittaasuat: Mittarfinnik sanaartornissamik isumaqatigiissut ullumi atsiorneqassaaq

Politikikkut aalassassimaarneq apeqqutaatinnagu Munck Gruppenip Nuummi Ilulissanilu mittarfiliornissaa ullumi atsiorneqassaaq. Kalaallit Airports Internationalip siulersuisuni siulittaasoq taama oqarpoq.

Kalaallit Airportsimi siulersunisu siulitaasoq Johannus Egholm Hansen Sermitsiaq.ag -mut paasissutissiivoq Munck Gruppenip Nuummi Ilulissanilu mittarfiliornissaa ingerlatseqatigiiffiup ullumi atsiussagaa.

– Isumaqatigiissut ingerlatseqatigiiffit pillugit inatsit naapertorlugu atsiussavarput, tusagassiuummut siulersuini siulittaasoq oqarpoq.

Sermitsiaq naapertorlugu isumaqatigiissut Københavnip ilaani tusagassiuutit peqataaffigisinnaanngisaannik atsiorneqassaq.  

Kalaallit Airports atsioqatigiinnissamut pingaartorsiornissamut Nuummi Hans Egedep illorsuani ullumi nal. 15 pisussaagaluamut qaaqqusisimagaluarpoq, taannali taamaatiinnarneqarpoq.

Maani politikikkut aalassassimaartoqaraluartoq atsiortoqassaaq, tassami aningaasaqarneq akileraaruteqartarnerlu pillugit Inatsisartut ataatsimiititaliaani ilaasortat amerlanerussuteqartut kisssatigimmassuk atsioqatigiinneq kinguartinneqassasoq.

AAMMA ATUARUK Siumut Inatsisartuni ilaasortaatitat amerlanerussuteqartut Kim Kielsenip tunuarnissaanik piumasaqarput

Ataatsimiititaliap Kalallit Airportsip sanaartugassanik suliassinneqartartumik Munck Gruppenimik isumaqatigiissutaani aningaasaqarnikkut immikkuualuttut amerlanerit paasisaqarfigerusuppai. Aamma inuiaqatigiinnut aningaasaqarnikkut qanoq sunniuteqassasoq paaserusuppaa.

Aningaasaqarnermut aamma Akileraartarnermut Ataatsimiititaliap Naalakkersuisut siulittaasuat Kim Kielsen (S) tallimanngormat isumasioqatigiinnermut takkutinngimmat sakkortuumik isornartorsiorpaa.  

Aningaasaqarnermut aamma Akileraartarnermut Ataatsimiititaliap sakkortuumik isornartorsuinera qallerlugu Kim Kielsen ilungersunartumik allamik ajornartorsiuteqalerpoq. Siumup Inatsisartuni ilaasortaatitaanit quliusunit arfinillit Siumumut siulitaasuuneranit tunuaqquaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat