Munch Gruppenimi sulisut mittarfiup eqqaani sulisut najugaqarfiiniipput Assi: KNR

Mittarfiliortuni sulisoq ataaseq tunillatsittoq

Tunillatsittoq aneqqusaannginnermi nalaani tunillatsissimasoq paasineqarpoq, taanna sapaatit akunnerani kingullermi tunnillatsissimasutut paasineqartunit attaveqarsimavoq.

Nuummi inuk ataaseq coronavirusimik tunillatsissimavoq, taannalu mittarfiup ilaneqarneranik suliaqartut Munck Gruppenip najugaqarfigisaanniittuuvoq.

Tamanna nakorsaanerup Henrik L. Hansenip KNR-imit ippassaq unnukkut oqaloqatigineqarluni uppernarsarpaa

- Ilumoorpoq, coronamik tunillatsittoqarsimasoq ippassaq unnukkut paasineqarmat,

tamannalu tupaallaatigisineqasinnaanngilaq tunillatsissimasormi aneqqusaannginermi nalaani tunillatsissimasoq paasineqarmat, coronamillu tunillatsismasumit sapaatit akunnerani kingullermi paasineqartumit tunillanneqasimagami covid 19-millu tunillanneqarsimasut ersiutaannik peqarluni, nakorsaaeq Henrik L Hansen oqarpoq.

Nakorsaanerup oqarnera naapertorlugu Nuummi tunilaassuutoqarneranik takussutissaqanngilaq, tunillatsissimasoq suliffeqarfiup Munck Gruppenip najugaqarfiani aneqqusaanginnami.

Tunillatsissimanermit sapaatit akunneri marluk qaangiukkaangata tunillatsissimanermit ersiuteqartoqalersinnaavoq, napparsimalerluni, taamaattumik tunillatsissimasunik ataasikkaanik piffissami qaninnermi nassaartoqartarsinnaavoq, Nakorsaaneq oqarpoq.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

Siullermik kapitissimasut 21.008
Aappassaa kapitissimasut 9.356
Misissorneqareersimasut 27.168
Tunillanneqarsimasut 44
Peqqisseqqittut 40
Uninngasut 1
Anersaartuuteqartitaasut 0
Toqquteqartut 0
nun.gl-imi titartaganngorlugit:
Kapitissimasut | Tunillatsissimasut
 
   Nutarterneqarpoq: 
Juunip 14-at 2021 nal. 10:45