Mittarfiliortiternissat atsioqatigiissutigineqalersut
Nuummi Ilulissanilu mittarfissualiornissaq qaniluallappoq.
Kalaallit Airports Internationalimi danskit ingerlatseqatigiiffiat Munck Gruppen marlunngorpat augustip 13-iani isumaqatigiissuteqarfigalugu atsioqatigissavaat. Ingerlatseqatigiiffik mittarfiliortiternissamut suliarinnittussarsiornermi neqeroortitsisoqarmat juulimi toqqarneqarput.
- Neqeroortitsineq ingerlalluareersorlu isumaqatiginninniartoqarpoq. Isumaqatiginninniarnerit naammassilluarput, Ilulissani Nuummilu mittarfiliortitsernissamullu Munck Gruppen A/S-illu suleqatiginissaa malunnartinniarlugu atsioqatigiittoqassaaq, Kalaallit Airports International tusagassiuutinut nalunaarummi allappoq.
Munck Gruppen neqeroorluarnerpaavoq
Kalaallit Airports suliarinnittussarsiormat pingasut neqeroorput, ingerlatsiviit hollandimeersut canadameersut ajorsartillugit Munck Gruppenilu neqeroortuni toqqarneqarpoq.
Sanaartorneq ukiaru aallartinnissaa naatsorsuutigineqarpoq, 2023-llu naanerani mittarfissuit marluk piareernissaat siunniunneqarluni.
Atsioqatigiinneq Nuummi Hans Egedep illuani marlunngorpat nalunaaqutaq pingasunut pissaaq.
AAMMA ATUARUK Munck Gruppen skal anlægge landingsbanerne i Nuuk og Ilulissat
AAMMA ATUARUK Politikkikkut nalornisitsineq mittarfiliortiternissamut suliarinnikkusussuseerutsitsisoq