Video: Mittarfiliortiternissaq Qaqortumi nuannaarutigineqarpoq
Inatsisartut mittarfiliortiternissaq amerlanerussuteqarlutik sisamanngornermi ualikkut nalunaaqutaq 16:13 akuersissutigimmassuk Qaqortormiut nuannaaqaat.
![](/sites/default/files/styles/image_934x467/public/article_images/qaqortoq_fejrer_lufthavn.png?itok=12MefH_W)
Allattoq Anton Gundersen Lihn
Mittarfiliortiternissat piviusunngormata qummoroortut, nuannaarpalunneq biilillu nilliatitsisut Qaqortumi tusarsaapput.
AAMMA ATUARUK Mittarfinnut pilersaarut akuerineqarpoq
Mittarfiliortiternissammi 3,6 milliardit koruuninik nalillit Inatsisartut amerlanerussuteqartut taasissutigaat. 18-it akuersipput, qulingiluat itigartitsipput marlullu taaseqataannatik.
Tamannalu Qaqortormiunut nuannaarutaavoq. Najugaqartummi ukiut 30-t sinnerlugit mittarfittaarnissaminnut sorsussimapput, tamannalu sisamanngornermi ualigaa piviusunngorpoq. Qummoroortartunillu aallakaatitsisoqarpoq: