Mittarfiliortiternissaq akuersissutigalugu taasissutigineqariaannanngortoq

Mittarfiit pillugit siunnersuut akuerineqartussanngussaaq - Naalakkersuisummi Demokraatillu amerlanerussuteqarlutik sisamanngorpat taasussutigissavaat. Inuit Ataqatigiit taaseqataanianngillat, Partii Nalerarlu isumaqarpoq siunnersuut itigartitsussutigineqartariaqartoq.

Siunnersuutip pingajussaaneerneqannginnerani isumaliutissiissummi tamanna allaqqavoq. 

Taamaalilluni Nuummi Ilulissanilu mittarfiit tallineqarnissaat Qaqortumilu mittarsiliornisssaq pillugit Inatsisartuni oqaluttuarisaanermi isumaqatigiissut sisamanngorpat taasissutigineqassaaq. 

Mittarfiit pillugit siunnersuutip pingajussaaneerneqannginnerani isumaliutissiissut kingulleq Aningaasaqarnermut Akileraartarnermullu ataatsimiititaliamit saqqummiunneqarpoq. 

Isumaliutissiissut naapertorlugu Siumup Demokraatillu mittarfiliortiternissaq tapersersorpaat. 

AAMMA ATUARUK Danmark Kalaallit Airportsimi itigartitsisinnaatitaassasoq

AAMMA ATUARUK Piginneqataassutit pillugit isumaqatigiissut Inatsisartuni oqallisigineqarnissaa pissutissaqanngilaq

Mittarfiit sanaartorneqarnissaannut Inuit Ataqatigiit tapersersuipput, sanaartornissalli kittaarlugit ingerlanneqartariaqarsoraat.

Nuummi Ilulissanilu mittarfiit tallilerneqarnissaanut danskit aningaasaleeqataaniarlutik 
neqerooruteqarnerat Inuit Ataqatigiinnit aamma tapersersorneqarpoq, naalagaaffiulli Kalaallit Airports A/S-mut sunniuteqarnissaa akerleraat.

Taamaattumik Inuit Ataqatigiit mittarfiit pillugit siunnersuummut sisamanngorpat taasissutigineqalerpat akuerseqataanianngillat akerliuniaratillu.Mittarfiit pillugit siunnersuummut Partii Naleraq isumaqataanngilaq siunnersuutillu itigartitsissutigineqarnissaa kissaatigalugu, ilaatigut pissutaatinneqarpoq naalagaaffiup aningaasaleeqataanissaa, illoqarfinnilu allani 1199 miiterinik mittarfiorliortoqarnissaa, Partii Naleqqap kissaatigigaluarpaa.

Mittarfiit pillugit oqaluuserisassaq sisamanngorpat nalunaaqutaq aqqanermut taasissutigineqassaaq. 

AAMMA ATUARUK NATO-p Kangerlussuami mittarfik atorluartarpaa

AAMMA ATUARUK Sisimiuni Kangerlussuaq pillugu ingerlaqatigiittut

 

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat