Tusagassiuut: Mittarfiliortiternermut aningaasalersueriaasissaq atoqqunngikkaa

Aningaasaqarnermut tunngasunut Aarhusip Universitetiani professorip Nunatsinnilu Aningaasaqarnermut Siunnersuisoqatigiinni siulittaasup, Torben M. Andersenip, mittarfinnik nutaanik pingasunik sanaartortoqarnissaanik aalajangertoqarneranut toqqammaviusup nalorninartoqarnera uparuaqqippaa.

Mianersoqqussuteqarneralu tamatumuuna danskit aviisianni Jyllands-Postenimi pivoq.
 
Ingerlatseqatigiiffinnit Namminersorlutik Oqartussanit pigineqartunit siunissami iluanaarutaasut ilarparujussui nunattalu karsiani aningaasat atoriaannaat allat mittarfiliortiternermut nuunneqarnissaat Inatsisartunit aalajangerneqarpoq.

AAMMA ATUARUK Mittarfinnik sanaartorniarneq akisussaassuseqanngitsuliornerulluinnarpoq

AAMMA ATUARUK Naalakkersuisut 2,1 milliardit koruunit mittarfinnut aningaasaliissutiginiaraat

Namminersorlutik Oqartussat taamaalillutik 2 milliardit koruunit missaat mittarfiliortiternermut aningaasaliissutigisinnaavaat, taamaallaallu 1,6 aamma 1,8 milliardit koruunit akornanni taarsigassarsillutik.Taamatulli periaaseqarnikkut Kalaallit Nunaata aningaasaqarnera sunnertiasupilussuanngussaaq, Torben M. Andersen taama erseqqissaavoq aningaasalersueriaatsillu atorneqannginnissaa siunnersuutigalugu.
 
- Kalaallit Nunaata aningaasaqarnera sunnertisupilussuanngussaaq, aningaasat atorneqarsinnaasut tamaasa suliniummut ataasiinnavimmut atorneqassammata. Qaavatigullu aamma mittarfiit ingerlanneqarnerat qanoq aningaasalersorneqassanersoq apeqqutaassaaq.

AAMMA ATUARUK  Aningaasanut inatsit naalagaaffimmit tapeqartariaqarnermut takussutissiivoq

Mittarfiliortiternissap aningaasaqarnikkut misissueqqissaarinernik erseqqissunik toqqammaveqannginnera aningaasaqarneq pillugu professorimit aamma uparuarneqarpoq.
 
Kalaallit Nunaata aningaasaqarnera ajalusuussagaluarpat Danmarkimit ataatsimoortumik tapiissutit amerlinissaat namminersorneq pillugu inatsit naapertorlugu periarfissaanngilaq.

AAMMA ATUARUK Nunatta aningaasaqarnera ajornartorsiuteqaleriartortoq

  

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat