Assi: Wilco737/Flickr Creative Commons

Mittarfiliortiternerit nutaat milliard koruuninik sipaaruteqarfiussasut missueqqissaarnermi inerniliunneqarpoq

Mittarfiliortiternerit naammassineqarpata tamanna inuiaqatigiinni aningaasaqarnikkut ajunngitsuussaaq. Mittarfiliortitsinerup aningaasatigut kingunerisassai pillugit misissueqqissaarnerit immikkoortuisa aappaanni taama oqartoqarpoq. Isertitsissutigineqartussat aningaasartuutigineqartussallu arlaqartut suli nalorninartoqartut, misissueqqissaarnermi atuarneqarsinnaavoq.

Politiikerit, Nuummi Ilulissanilu mittarfiit tallineqarnissaannut Qaqortumilu mittarfiliornissamut 3,6 milliardit koruuninik aningaasaliinissartik toqqarunikku, tamanna inuiaqatigiinni aningaasaqarnikkut kinguneqartussaavoq.  

Taamaattumik Namminersorlutik Oqartussat siunnersuisarfimmut Deloittemut nalilersuinissamik inniminniipput. 

Misissueqqissaarnerup immikkoortua siulleq, KNR-ip allagaatinik takunnissinnaanermut kissaateqarneratigut sapaatip akunnerata ataatsip matuma siorna pissarsiarineqarpoq.   

AAMMA ATUARUK Ny analyse af lufthavne er lagt frem

Misissueqqissaarnermi inerniliunneqartut partiinut mittarfiit tallineqarnissaannut Qaqortumilu mittarfittaarnissamut tapersersuisunut 3,6 milliardit koruunik atorneqarnissaannut ajunngitsuupput  

Misissueqqissaarnermi inerniliunneqartoq naapertorlugu, mittarfiit maannakkut atuuttut ukiuni 25-ni tulliuttuni ingerlanneqarnerat iluarsartuunneqartarnerallu inuiaqatigiinnut en milliard koruunit sinnerlugit akeqassapput, 1085millionit koruuninik. 

AAMMA ATUARUK Mittarfeqarfiit er udelukket fra nye lufthavne

Periarfissatulli allatut isigineqartoq, Nuummi Ilulissanilu mittarfiit tallineqarpata Qaqortumilu nutaamik mittarfiliorneq ukiunut tulliuttunut 25-nut inuiaqatigiinnut 280 millionit koruuninik isertitsissutaassapput. 

Tassalu nutaanik mittarfiliortiternerit  1,3 milliardit koruuninik akikinnerussaput, maannakkut mittarfinnut atorneqartunut sanilliullugit. 

Periarfissatut allatut isigineqartut tassaapput, imarpik qulaallugu timmisartut mittarfii Kangerlussuarmiittoq Narsarsuarmiittorlu, helikopterinut mittarfinngortinniarneqarmata, taamaaliornikkut taakkua ingerlanneqarnerinut iluarsartuunneqartarnerinullu aningaasartuuterpassuit sipaarneqassammata.  

AAMMA ATUARUK Mittarfittaassat 165 millioninik sipaaruteqartitsissasut

Misissueqqissaarnermi inerniliunneqartut naapertorlugit, ajunngitsunik arlalinnik sunniuteqartut ilanngunneqanngillat.

Mittarfiit nutaat atulerpata soqutiginarnerulersussaasut, misissueqqissaarnermi nalilerneqarpoq.   

Mittarfiit nutaat atulerpata sunniutigisinnaasaannut isumalluarnerit iluatsissinnaanersut qularnarput.

Ilaatigut naatsorsuutigisamit ilaasut taama amerlatigissanersut qularnartinneqarpoq.

Misissueqqisaarnermi inerniliunneqartoq aamma misissueqqissaarneq tamakkiisoq qallunaatut allassimasoq uani atuarneqarsinnaavoq.

Kilde: Deloitte

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat