Mittarfik talittarfillu tuaviuuteqqunngilaat
Nuummi Sulisitsisut Peqatigiiffiat politkerinik illoqarfiit pingaarnersaannik sullisserusuttunik qinerseqqusilluni allaaserinnippoq.
Siunissamut qiviarnikkut ilaatigut taaneqarput Nuummi umiarsualiviup naapertuuttunngorlu aaqqiiviginiarneqarnissaa, kiisalu Nuummi mittarfik siunissamut naapertuuttoq aamma sullisiginiarlugu qineqqusaartumik qinerseqqusillutik.
Nuummi Sulisitsisut siulersuisui isumaqarput siunissamut isigaluni ataatsimoortumik aaqqiisoqartariaqartoq. Uani pingaartumik umiarsualivissaq mittarfissarlu pillugit ajornartorsiutitaqanngitsumik aaqqiisoqarnissaa ujartorneqarluni.
Sanaffigiuminarsakkamik amigaateqartoqalinnginniassammat Nuummi Sulisitsisut aamma ujartorpaat Nuup illoqarfiata kujammut alliartortinneqarnissaannut sullisserusuttoq. Taamaalinikkut ajornartorsiutit qulaani taaneqartut aaqqiivigineqarsinnaalissammata, Sulisitsisut allapput.
Nuup mittarfiata 1799 meterinut tallineqarnissaa apeqquserlugu, Sulisitsisut piumasaqaatigaat nakerisarsiunngitsumit(uvildig) misissuisoqartariaqartoq, teknikkikkut minnerunngitsumillu aningaasatigut pitsaanerpaamik inerniliisoqarsinnaaniassammat.
