Mittarfiit umiarsualiviillu kommuninit ingerlanneqarnissaat Aaqqissuusseqqinnermit isumaqatigineqarpoq
Mittarfiit umiarsualiviillu kommuninit ingerlanneqalernissaat aaqqissuussaanermut Isumalioqatigiissitap inassutigaa, aalajangersaasoqannginneranili suliat ingerlallualereerput.
Naak pisortat suliassaqarfiinik aaqqissuusseqqinneq pillugu isumaliutissiissummi inassutaasut kommuninit inatsisartunillu tamakkiisumik aalajangersarneqanngikkaluartut naalakkersuisut kommunillu ataasiakkaat mittarfiit umiarsualiviillu ingerlanneqarnerannut pigineqarnerannullu tunngasunik pilersaarusiulereerput.
Ippassaq unnukkut radioavisimi Nuummi Borgmesteri ilaatigut ima oqarpoq:
-Namminersornerullutik Oqartussanit aningaasanut aappaagumut inatsisissamut tunngatillugu periarfissinneqarpugut ilaatigut kommunimi umiarsualiveqarnermut tunngasut kommuni isumaqatigalugu piginnittuuneq allatut umiarsualivinnut ilusilerneqarsinnaasoq.
Umiarsualiviillu aaqqissuunneqassappata imaluunniit nutaamik umiarsuaviliortoqassappat aningaasaliinissat qanoq ilusillit kommuninut isumaqatigiissutigineqarsinnaasut, Agnethe Davidsen oqarpoq.
Aaqqissuusseqqinnissamut suli aalajangersaaffigineqanngitsumut imak
ilaatigut inassuteqartoqarpoq:
"Umiarsualiviit nutarternerinut, aserfallatsaaliornerinut
ingerlanneqarnerinullu akisussaaneq kommuninut
nutaanut tunniunneqassasoq."
Aamma:
"Mittarfeqarfiit ingerlanneqarnerat atortullu aserfallatsaaliornerat
kommuninut nutaanut tunniunneqassasoq."
