Assi: Mittarfeqarfiit

Mittarfiit takisuut inassutigaat

Nuuk Ilulissallu pillugit nalunaarusiap nutaap inerniliuppaa takissusaa apeqqutaasorujussuusoq.

Nuummi Ilulissanilu mittarfiit 1799 meter aamma 2200 meteriussanersut assigiinngitsorujussuuvoq. Takornariaqarneq mittarfeqarfinnillu allanngortitserineq pillugu nalunaarusiaq taama inerniliivoq. Inuussutissarsiornermut naalakkersuisoqarfik Rambøllimut suliakkiisuulluni.

Naalakkersuisut kissaatigaat Ilulissani mittarfiup 2200-meteriunissaa Nuummilu 1799-meteriunissaa. Taakku marluullutik Rambøllip nalunaarusiaani suliarineqarput, tassani takuneqarsinnaalluni 2200 meterit akisunerusut imminulli akilersinnaanerujussuusut.

Aamma atuaruk Naalakkersuisut katillugit 7247 meterinik mittarfiliorusupput

Aamma atuaruk Mittarfiit ilaasa tallineqarnerisigut angalariaatsit allanngussapput

Arlalinniit qimerloorlugit mittarfiit taakku unammillissappata qanoq kinguneqarsinnaanersoq misissorneqartunut ilaavoq. Tassani Rambøllip erseqqissarpaa mittarfik 2200 meterisut takitigisariaqartoq Atlantikoq qulaallugu timmisartorsinnaasut mitsissinnaassagaanni.

Mittarfiup 1799 meterisut takitigisup angalatitseqatigiit kiffartuunneqarsinnaasut killilissavai, taamaalilluni unammilleqatigiissinnaanermik killiliilluni, Rambøll nalunaarpoq.

Eqikkaaneq

 

Timmisartut assigiinngitsut mittarfinnik qanoq ittunik atuisinnaanerannik nalilersuereernerit kingornatigut, akuttoqatigiissaartumik mittarsinnaanissat eqqanaarneqarneratigut, kiisalu unammillertuulersinnaasut siunissami Atlantikukkut timmisartuussisarnerni eqqarsaatigalugit inassutigineqassaaq Nuummi Ilulissanilu mittarfiit tallineqassasut 2.200 meterinut.

 

- Mittarfinnik 1.199 meterinut talliliineq taamaallaat nunap iluani timmisartorfiusartunut pingaarnernut periarfissiissaaq Island -imiit / mullu timmisartuussisarnissamut DHC 8- mik anginerusumik.

 

- Mittarfik 1.799 meterinik takissuseqartoq taamaallaat Kalaallit Nunaannik timmisartorfiusinnaatitsissaaq timmisartunik sarpeqanngitsunik mikinernik soorlu B 737- 600/700 aamma Airbus 319.

 

- Mittarfik 2.200 meterinik takissusilik naammassaaq timmisartunut assigiinngitsunut naleqquttunut, aammalu mittarfiup nammineq takissusia naammattorsuarmik annertussuseqassaaq angallannerup aaqqissuussaanera, angallatassat amerlassusiat, aningaasartuutit unammillernermilu pissutsit eqqarsaatigalugit.

 

- Mittarfik 2.800 meterinik takissusilik annertunerusumik angallannerulersitsissanngilaq naleqarnerulersitsinanilu, tamatumani sanaartornermut aningaasartuutaasussat mittarfimmut 2.200 meterimut sanilliullugit isigigaanni.

 

Umannillersinnaanerup saniatigut nalunaarusiap tikkuarpaa aamma ikummatissat eqqarsaatigalugit takisooq pitsaanerusoq,  mittarfiup takisuup pitsaaqutaanuttaaq ilaavoq timmisartut annerit mitsissinnaassagamigit, taamalu aamma nioqqutissanik useqarsinnaanerulluni.

Timmisartut mittarfinnut 1799 meterisut takitigisunut mittartut ilaasut nassataanerusoq useqarsinnaapput. Ingammik Nuuk eqqarsaatigalugu ajornartorsiutaassaaq, timmisartunimmi assartuutinik immikkut tikisitsisariaqarsinnaapput, tamannalu assartukkanut tassa nioqqutissanut akitsorsaataassaaq.

Mittarfiit Atlantikup avannaaniittut misilittagaannik assersuussinermi kingorna Rambøll ima inerniliivoq.

- Mittarfik 2200 meterisut takitigisoq siunniuttariaqarpoq tamanna timmisartunit pisariaqartinneqarmat.

 

Aamma atuaruk Takornariaqarneq

 

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat