Tapersersuisut akerliusulluunniit? Mittarfiit pillugit ingerlaaqatigiinnermik takutitsisorpassuusut

Nunatsinni mittarfinnut pilersaarutinut pakatsinerit kingunerillu pillugit sapaatip akunnerata siuliani sumiiffinni arlariinni akerliussutsimik takutitsisoqarpoq. Ataatsimoornernilli aalajangiinissamut nuannaarutiginninnerminnik takutitsiniartunik aamma ingerlaaqatigiittoqarpoq.

Mittarfinnut pilersaarutit Inatsisartuni sisamanngornermi akuerineqarnissaat naatsorsuutigineqarpoq, mittarfiillu Nuummi, Ilulissani Qaqortumilu suliarineqarnerat piviusunngornissaannut alloriarujussuartoqassalluni.

Sanaartortoqangaatsiarnissaannut isummat suliat aallartinneraniilli avissaangasorujussuupput.

Sisimiuni, Kangaamiuni Kangerlussuarmilu akerliusut aqqusertigut arfininngormat ingerlaaqatigiipput.
Naalakkersuisut mittarfiit nutaat sananeqarnerata kingorna Kangerlussuup siunissaa pillugu ersarissumik akissuteqarnissaat akerliussutsimik takutitsisunit kissaatigineqarpoq.

 

Kujataani akerliussutsimik takutitsinerit assingusut aamma ingerlanneqarput. Narsami ataasinngormat Narsarsuarmilu marlunngormat ingerlaaqatigiittoqarpoq.

Taakku mittarfinnut pilersaarutit nunaqarfinnut marlunnut qulartitsilernerat akerliussutsimik takutitsinerminni oqariartuutigaat.

Narsarsuaq. Foto: Aqqalu Davidsen

 

Mittarfissallu pillugit akerliussutsimik takutitsisoqaannanngilaq. Qaqortumi innuttaasut illoqarfimmi mittarfeqalernissaa qujassutiginiarlugu pingasunngornermi ingerlaaqatigiipput.

 

Qaqortoq. Foto: Nauja Ottosen Knudsen

 

Illoqarfiit pingaarnersaanni Inatsisartut mittarfinnut pilersaarutinik pingajussaaneerinissaannut atatillugu ingerlaaqatigiittoqarniarpoq tassani Naalakkersuisuni amerlanerussuteqartut partiillu tapersersuisup tassa Demokraatit akuersinissaat naatsorsuutigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat