Mittarfinnut pilersaarutip akunerineqarnera 2018-imi politikkikkut aalajangiinerit pingaarnersaraat. Pilersaarut danskit naalagaaffiannit aningaasaleeqataaffigineqarpoq.Assi: KNR

Mittarfiit, imigassamut inatsit isumaginninnermilu suliniutit 2018-imi sammineqartut

Nunatsinni politikkikkut sammineqartut pingaaruteqangaatsiarput. Pingaarnerit uteqqilaariffigaagut.

Kim Kielsen marsip 5-iat, 2018 Inatsisartunut qinersititsisunngortitsivoq. Qinersineq mittarfinnut namminiilivinnissamullu oqallinnermik ilaqarpoq, apriilillu 24-at qinersisoqarluni, tassani partiit annersaat marluk qinersisartunit isatsittutullusooq ipput. Qinersinermi Randi Vestergaard Evaldsen qinerneqarnerpaavoq taassumalu partiia, Demokraatit qinersinerit aappassaani siuariangaateqarluni.

AAMMA ATUARUK Her er valgets vindere og tabere

PIssaanerli Kim Kielsenip siuttuuffigisaani Siumukkunniiginnarpoq.

Imigassanut inatsit akuerineqarpoq - uterteqqinneqarlunilu

Imigassamut inatsit nutaaq politikkip ukiuani upernaami akuerineqarpoq, tamannalu assersuinermik, imigassanik neqerooruteqaqqusinnginnermik tuniniaanerullu killeqalerneranik ilaqarpoq.

AAMMA ATUARUK Pisiniarfissuit imigassaq pillugu inatsisissamut akerliussutsimik takutitsiniartut

Qaammatilli arfineq-marluunngitsulluunniit ingerlaneranni imigassamut inatsip ilaa utertinneqarpoq:

AAMMA ATUARUK Imigassaq pillugu inatsit sukannerpallaarunnaassaaq

Oqaluttuarisaanermi aningaasaliineq annertooq

Ukioq manna isumaginninnikkut suliniuterpassuit soorlu MANU aamma Killiliisa pilersinneqarput.

AAMMA ATUARUK Killiliisap kinguaassiutitigut atornerluisarnerit unitsissagai

Politikkikkikkulli pisut pingaarnersaat qularnanngitsumik mittarfinnut pilersaarutaavoq, taanna novembarip 15-iani sisamat qaangilaaraa akuerineqarpoq.

AAMMA ATUARUK Mittarfiit pillugit pilersaarut akuersissutigineqarpoq

Vittus Qujaukitsup mittarfinnut pilersaarutit akunnerni tallimani oqallisigineqareersut ukiorpassuarnilu piareersarlugit suliarineqareersut taasissutissanngortippai tamannalumi oqilisitsinerup tassami sivitsunngitsut 18-it akuersissutigaat.

AAMMA ATUARUK Qujaukitsoq nuannaarpoq oqiliallallunilu

Politikkikkut sammisani aamma takusaqarpallaanngilagut. Isumaginninnermummi ataatsimiititaliaq ukiup ilarujussua uninngavoq, aalisakkanullu inatsit upernaamut ataatsimiinnissatulli aamma peqarunnaarppoq. 2018-imi ukiakkut ataatsimiinnermi aalisakkanut inatsit aamma suliarineqanngilaq ataatsimiititaliamilli pilersitsisoqarluni.

AAMMA ATUARUK Kommission skal lave ny fiskerilov

 


 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat