Mittarfeqarfiit: Kangerlussuaq akisussaqaaq
Nuup Ilulissallu mittarfii tallineqarpata, Kangerlussuup mittarfia atorneqarpiarunnaassaaq. Nuummili Ilulissaniluunniit sila ajussagaluarpat Kangerlussualiarsinnaasoqartariaqarpoq, tamannali akisusinnaasoq, Mittarfeqarfiit pisortaat Jesper Juhl oqarpoq.
- Kangerlussuaq sillimmatitut atorneqassappat, taava sillimaniarnermut tunngasut ullutsinni atorneqartut attanneqartariaqassapput, soorlu Nuummi Ilulissanilu mittarfiit aamma taamaattoqartariaqassasut, Mittarfeqarfiit pisortaa Jesper Juhl oqarpoq.
Tassa timmisartoqarfiup ullunniarni ingerlanneqarnera taamaaginnassaaq, naak Nuummi Ilulissanilu mittarfiit tallineqaraluartut.
Kangerlussuarmi aningaasat kaaviaartitat ikileriassagaluarpataluunniit taamatut ingerlatsisoqartariaqarpoq.
Nuup aamma Ilulissat mittarfiisa tallineqarnissaat apeqquserniarlugu Mittarfeqarfiit pisortaat Jesper Juhl naalakkersuisunut saaffiginnittarsimagaluarpoq, sulili akineqarsimanani.
