Mittarfeqarfiits direktør Jens Lauridsen og AWG's direktør Maliina Abelsen underskriver sponsoraftale.Assi: Mittarfeqarfiit

Mittarfeqarfiit AWG2016-imik tapersersuisunngortut

Mittarfeqarfiit, Arctic Winter Games 2016-imut Nanoq-sponsorimik taasamik aningaasaliisunngorput.

Taamatullu tapersersuinerisigut timersortartut Nunatsinni angalasut mittarfimmut akitsuutinik akiliuteqartassanngillat. Peqatigitillugu Mittarfeqarfiit AWG2016-imut atatillugu ingerlasussanik piareersaarnermi attaveqaqatigiinnermilu aamma ikiuutissamaarpoq.

Timersortartorpassuit, atortorissaarutaat isiginnaariallu Kangerlussuarmut Nuummullu tikippata Mittarfeqarfiit suliassamut angisuumut ikiuunniarput.

AAMMA ATUARUK Arctic Winter Games 2016 Katuamit tapersersorneqarpoq

Tassa akitsuutitaqanngitsumik angalanissaannik timersortartut unammiartortut periarfissippagut, isiginnaariarlutik angallattut akileraarutitalimmik nalinginnaasumik akiliillutik angalassapput. Nunanit allaniit angallattut amerliallattussaanerisigut mittarfinni ulapaarnerusussaavugut akileraarutitigullu isertitaqarnerusussaalluta, Mittarfeqarfinni pisortaq Jens Lauridsen taama oqarpoq.
Mittarfeqarfiit AWG2016-imut atatillugu tapersersuisuunermikkut imminnut aamma nittarsaannissaminnut periarfissaqassapput:

 

Imminut nittarsaannissamut atorsinnaagaat

- AWG2016-toqalernerata periarfissingaatsiartussaavaatigut Kalaallit-Nunaannik nunanut allanut malunnaatilimmik nittarsaasseqataanissatsinnut. Peqataasussat tikerartullu allat nunatsinnut tikinnerminni aallalernerminnilu takusaanni siulliullunilu kingulliusussaavoq Mittarfeqarfiit, pissusissamisuuinnassooq tapersersueqataallutalu taama persuarsiorfiutigisussap AWG2016-p iluatsilluartumik ingerlanneqarnissaanut, tupinnarsimassagaluarporluunniit suleqataarusussuseqarsimanngikkaluarutta, Jens Lauridsen oqarpoq.
Arctic Winter Games kingullermi Nunatsinni 2002-mi ingerlanneqarmat Mittarfeqarfiit aamma aningaasaliisunut ilaapput.

Isummersuutit