Mittarfeqarfiit attaveqaqatigiinnermut pisortamik atorfinitsitsisut

Paornánguaq Kleist, tusagassiortutut ilinniarsimasoq, marsip aallaqqaataaniit Mittarfeqarfiit attaveqaqatigiinnermut immikkoortortaqarfianni pisortanngussaaq. 

Taamaalilluni Paornánguaq Kleistip Namminersorlutik Oqartussat Tusagassiivianni pisortatut atorfini qimassavaa. Inuttaatalu nutaanik suliaqalernissani qilanaaraa.  

- Maanna atorfiga nuannareqaara. Ukiulli pingasut sinnerlugit suliffigereerlugu nutaamik misiliinissaq piffissanngorpoq. Mittarfeqarfinni sulisunut attaveqaqatigiinnermik suliaqalernissaq qilanaaraara, Paornánguaq Kleist KNR-imut oqarpoq. 

Maanna Namminersorlutik Oqartussat Tusagassiivimmi nutaamik pisortassarsiuleruttorput. Atorfik taanna ilaatigut Namminersorlutik Oqartussat pillugit paasissutissiinermik, tusagassiuutinut attaveqarnermik ataqatigiissaarinermik avammut paasissutissiineq pillugu siunnersuinermik suliassartaqarpoq.