Mittarfeqarfiit alaatsinaaqqissaarpaat

Islandimi innermik anitsinerup sunniutai suli nunatsinnut nunatsinnillu timmisartuussinernut malunniutinngillat. Taamaakkaluartoq pissutsit qanoq inneri malinnaavigigiti, pisortat nalunaarutigaat.
Allattoq Najaaraq Egede
maajip 22-at 2011 14:43

Innermik anitsisartoq Grímsvötn ippassaq arfininngormat maajip 21-ani 2011 anitsilermalli pisut ataavartumik Mittarfeqarfinniit malinnaavigaavut.

Danmarkimi Silannakkut angallannermi aqutsisut suleqatigalugit Naviairip nalilersortarpaa nunatta silaannaani angallannermut arsakut qullaassimasut qanoq sunniuteqarnersut, Mittarfeqarfiit pisortaat Niels Kreutzmann nalunaarpoq.

Arsakut qullaassimasut sumut siammaannissaanut eqqoriaanerit Londonimi Innermik anitsinermi qullaassimasut pillugit ingerlatsivimmi ”Vulcanic Ash Advisory Centerimi” nalunaaquttap akunneri arfinilikkaarlugit suliarineqartarput.

Mittarfeqarfiit (Grønlands Luftfartsvæsen) nittartakkanut malinnaavigineqarsinnaasunut marlunnut innersuussivoq. Nittartakkat uuma ataani toorsinikkut iserfigisinnaavatit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq