Mitit tunisaanerat sivitsorneqanngilaq

Maniitsumi umiatsiaraarsortut mitit qassutinit pisarisoortakkatik tuniniarsinnaanngikkaat, Naaminersornerullutik oqartussanit aalajangiiffigineqarpoq.

Maniitsumi umiatsiaararsortut mitinik pisarisoortakkanik majip aallaqqaataata tungaanut tuniniaasinnaanerlutik piniarnermut qullersaqarfimmut qinnutigigaluarpaat.

Namminersornerullutik oqartussat itigartitsinerminnut timmisat pillugit nalunaarummi maleruaqqusat pissutigisimavaat. Nalunaarummi pisarisoortakkat tuniniarneqartassanngitsut malittarisassaavoq.

Piniarnermut pisortaqarfik aamma isumaqarsimavoq mitit nunatsinni ikiliartuinnavimmata itigartitsariaqarsimallutik.

Maniitsumili umiatsiaararsortut taama isumaqanngillat.

- Ilisimavarput naammattorsuarnik timmiaqartoq, naalakkersuisut itigartitsinerat takutiinnarpaa, piniartut umiatsiaararsortullu atugaannik ilisimasaqanngilluinnarnerannik, Maniitsumiit Karl Lyberth oqarpoq, itigartitsinerlu akuersaarumanngilaa.

- Politikerit attaviginiarpavut, paasinninneroqqullugit kiisalu pinngortitaq pillugu naammagittaalliortarfimmut naammagittaalliorniarluta, Karl Lyberth radioaviisimut oqarpoq.