Nunavut Mitit illersorniarlugit qeqertarujussuaq eqqissisimatitaalersoq
Aningaasaliissutigineqartut ilisimatusarfimmik naggueqatigiit Inuit ilisimasaat tunngavigalugit ingerlanneqartussamik pilersitsinermut atorneqassapput.
Taamatuttaaq nuna 33.000 kvadratkilometerisut isorartussusilik mitit eqqarsaatigalugit allanngutsaaliuganngortinneqassaaq. Nuna taanna Qikiqtait-mik atserneqassaaq, naggueqatigiillu Inuit Cree indiaanerillu nunami tassani aqutsisuussapput.
Sanikiluaq qeqertaavoq, Tasiusarsuarmilu Nunaviup kitaata avataani inissisimagaluartoq Nunavup ilagaa.
Sanikiluaq tuusintilikkuutaanik miteqarfiuvoq. Mitit qiviui qiviuni qitunnerpaat oqornerpaallu ilaattut taaneqartartut uniarpungaatit oqorsaataattut atorneqartarput.
Taamaattumik mitit Sanikiluarmiunut pingaaruteqartupilussuullutillu naggueqatigiit Inuit Sanikiluarmi inuuniarnerannut tunngaviupput.
Suliniutilerinermi aqutsisut ilaat Lucassie Arragutainap Sanikiluami piniartut kattuffianneersup Canadami nutaarsiassaqartitsivimmut CBC Newsimut oqaatigaa, Sanikiluami nunap ilaata allanngutsaaliuganngortinneqarnissaa sivisuumik sulissutigisimagitsik, tamatumalu anguneqarnera piniartunut inuusuttunullu sunniuteqartorujussuussasoq.
Aningaasaliissutigineqartut ilisimatusarfittaassarlu ilorraap tungaanut alloriarnissamut siullermut tunngaviussapput.
