Mitit appallu piniaqqusaajunnaarallarput
Appat mitillu marsip 1-niit oktobarip 15-iannt piniaqqusaanginerat Namminersornerullutik Oqartussanit erseqqissaatsigineqarpoq.
Timmissat pillugit nalunaarummi timmissat piniaqqusaangitsut aaliangersarneqarsimagaluartut timmissanik piniaqqusaangitsunik piniartoqartarnera pillugu Namminersornerullutik Oqatussat mianersoqqussutigineqarput.
Tassunga tunngatillugu avatangiisinut pinngortitamullu pisortaqarfimmiit ilisimatitsissutigineqarpoq, immikkut ittumik akuersissuteqartoqarsimannginnera.
Nunap Isuaniit Upernavik tikillugu appat mitillu marsip 1-anniit piniagaajunnaarnerat ilanngullugu erseqqissaassutigineqarpoq, taakkua aatsaat ukiamut oktobarip 15-ianiit piniarneqaqqissinnaalissammata.
Ilanngullugu ilisimatitsissutigineqarpoq Qaannaap Illoqqortoormiullu kommuniini killilimmik timmiarniartoqarsinnaasoq nammineq atugassanik, pisallu soorlu kalaalimineerniarfinni tuniniaqqusaanatik.
Timmissat pillugit nalunaarut paatsuunganartoqartikkaani piniagaasarnerannut paasissutissat kommunerisami, Namminersornerullutillu Oqartussani pissarsiarineqarsinnaapput.
