Assi: Michael B. Thomas / AFP / Ritzau Scanpix

Missourimi naartuersinneq inerteqqutaalertoq

Missourimi arnat sapaatit akunneri arfineq pingasut sinnerlugit naartusut naartuersissinnaajunnaassapput, tamanna Missourimi politikerit amerlanerussuteqartut tallimanngornermi akuersissutigaat,

Missourimi naartuersittarnerup inerteqqutaalernera pillugu inatsit tallimanngornermi akuersissutigineqartoq, CNN. allaaserisaqarpoq. 

Alabamami naartuersittarnerup inerteqqutaanissaanik inatsit pingasunngornermi akuersissutigineqarpoq.

Missourimilu politikerit amerlanerussuteqartut naartuersittarnerup inerteqqutaalernissaanut sukaterineq aamma akuersissutigaat.

NBC News naapertorlugu inatsimmut nutaamut 24-t akuersisut qulit isumaqataanngillat. Taamaalilluni Missourimi Alabamamilu naartuersinnerit inerteqqutaalerput, arnarlu pinngitsaalineqarnermigut naartulersimagaluarpat kinguaassiutitigulluunnit atornerlunneqarnermigut naartulersimagaluarpat naartuersinneq inerteqqutaalerpoq. Arnalli naartusut inuunerminnik navianartorsiortut naartuersissinnaasut dr.dk allaaserisaqarpoq. 

Arnat sapaatit akunneri arfineq pingasut sinnerlugit naartusut nakorsanit ikiorserneqarlutik naartuersittut aamma sukateriffigineqarput - tassa nakorsat unioqqutitsisut ukiut 15-it tikillugit parnaarussaassutigisinnaavaat.

Inatsisilli atuutilernissaa suli qularnarpoq, naartuersissinnaaneq amerikami inatsimmi tunngaviusumi allaqqavoq, naalagaaffiillu naalagaaffeqatigiinni ilaasut tamanna allanngortissinnaanngilaat.

AAMMA ATUARUK Naartuersittarnermut inerteqqut Irlandimi atorunnaarsinneqarpoq

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat