Tamanna pissaaq - DMI-mi sulisut oqarnerat naapertorlugu - illoqarfinni silap qanoq innissaanik missingersuutit "pitsannguallatsinneqarnerisigut". Ullumikkumiillu tamanna aallartissaaq.
- Silap qanoq innissaanik missingersuutit sukumiisut Danmarkimi illoqarfinnut qangali tusarliuttarpavut, kalaallinullu maanna aamma taamaaliorsinnaanngorpugut, DMI-mit ilisimatitsipput.
Tassa imaappoq, missingersuutit nalunaaquttap akunnerini 24 niinnaanngitsoq 48-nili atuuttussat suliarisalissavavut. Aamma imaalissaaq ulluni unnuanilu marlunniit arfinilinnut, aamma ulluni arfineq-marlunniit qulingiluanut missingersuutit, ataatsimoortinneqalerlutik tassaalissammata ulluni unnuanilu pingasuniit qulingiluanut missingersuutit, manna tikillugu missingersuutaasarsimasuniit paasissutissaqarnerujussuit.