Miss BT Nunatsinneersuuvoq
Pinnerneqqusaannermut Miss Danmarkimut qilanaartuutitut nittartagaq BT.dk "atuartartumi piukkussaannik" taasititsilluni unammisitsivoq.
Arnat katillugit 30-t peqataaffigisaannik arfinileriarluni semifinalertoqareersoq tuusinterpassuillu taasereersut finalimut anngunniuttussat arfinillit nassaarineqarput. Arfininngormallu finali inerneqarpoq ajugaasorlu oqaatigeriikkatsitut tassaavoq Aki-Mathilda Høegh-Dam.
Taasitsinerit katillugit 90.000-iupput taakkunanngalu 18-inik ukiulimmik Aki-Mathildamik taasisut 39 procentiullutik. BT.dk taama allaaserisaqarpoq.
Aki-Matilda pinnerneqqusaattoqarnerani aallanerussutigaa kalaaliunini. Københavnimut nooqqammerpoq Københavnip Universitetiani naalagaaffiit pissusiinik ilinniassalluni, ilinniarnermilu saniatigut Folketingimi Siumup allattoqarfimmi ikiortitut aamma sulisuuvoq.