Trumpip præsidentimut novembarimi qinersinissami unammillertigissagunagaa, Joe Biden demokraatineersoq, USA-mi nunap immikkoortuini taakkunani procentinik arfinilinnik siuaqqasoq, The York Times allappoq.Assi: Ronda Churchill Saul Loeb/AFP/Ritzau Scanpix

Misisuineq: Trump USA-mi nunap immikkoortuini qinersinermi naligiiffiukkajuttuni kinguaqqaqisoq

Joe Biden USA-mi nunap immikkoortuini arfinilinni Trumpip 2016-imi qinersinermi ajugaaneranut pingaarutilinni siuaqqaqisoq, misissuinermi nutaami erserpoq.

USA-præsidentiata, Donald Trumpip, USA-mi naalagaaffinni qinersinermi naligiiffiukkajuttuni tapersersortini arfinillit annaavai, naalagaaffinni taakkunani 2016-mi qinersinerit præsidentinngornissaanut qulakkeerinnittuuput, Hillary Clinton taamani ajugaaffigigamiuk.

USA-mi nunap immikkoortuini Michiganimi, Wisconsinimi, Floridami, Pennsylvaniami, Arizonami North Carolinemilu qinersisartut 4000-t isumaannik misissuinermi inernerit tamanna takutippaat. Amerikamiut aviisiat The New York Times Siena Collegelu qinersisartunik isumaannik misissuisuupput.

Trumpip præsidentimut novembarimi qinersinissami unammillertigissagunagaa, Joe Biden demokraatineersoq, USA-mi nunap immikkoortuini taakkunani procentinik arfinilinnik siuaqqasoq, The York Times allappoq.

AAMMA ATUARUK Biden USA-p naalagaaffiini qinersinerni arlalinni ajugaassangatinneqartoq

Assersuutigalugu demokraatit præsidentimut 2016-mi qinersinermi qinigassanngortitaat Hillary Clinton qinerneqarnerpaagaluartoq, Donald Trump Michiganimi, Wisconsinimi Pennsylvaniamilu taasisunit tamanit toqqarnerami præsidentinngorpoq.

Tamanna USA-mi præsidentinngortussamik taasisut aalajangiisarnerat pissutigalugu qinerseriaatsip immikkuullarissuuneranik pissuteqarpoq. USA-mi nunap immikkoortui tamarmik immikkut taasisussaqartarput, præsidentimullu qineqqusaartoq nunap immikkoortuini ataasiakkaani qinerneqarnerpaaq taasisussanit tamanit toqqarneqartarluni.

Trump Arizonami North Carolinamilu 2016-mi qinersisoqarmat taakkunani procentinik sisamanik ajugaavoq, Biden procentinik arfineq-marlunnik qulingiluanillu maanna siuaqqasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat