Misissuinissaq neriorsuutigineqarpoq

Inuiaqatigiit akiligaannik Tuluit Nunaata Frankrigellu akornanniittumut Jersey –mut Inatsiartut Akileraartarnermut Ataatsimiititaliaata angalalerneranut atatillugu, Inatsisartut siulittaasoqarfiata eqqortuliortoqarnersoq aaliangissanngikkaa siulittaasup tullia Aqqaluk Lynge oqarpoq.

-Soorunali manna tikillugu oqaluuseriuarparput qanoq iliuuseqartoqarsinnaanersoq.

Aqqaluk Lynge –p aamma erseqqissarpaa ilaasortat ataasiakkaat ilaassanerlutik ilaasannginnerlutilluunniit namminneq aaliangertaraat.

- Kisianni tamatigut piumasarineqarpoq siulittaasoqarfimmiit ataatsimoortumik ataatsimiititaliat qinnutaat akuersaarneqartassasut, Aqqaluk Lynge oqarpoq nangillunilu, kisiannili makkua massakkut pisut eqqarsaatigalugit misissorneqartariaqassaaq qanoq sinnaakkutaliortoqarsinnaanersoq.

Aamma erseqqissarpaa ataatsimiinnissap qanoq pingaaruteqarnerata nalilersornissaa aammalu sumut tunngasuteqarnersoq ilanngullugu.

Aqqaluk Lynge aamma oqarpoq inatsisartut sulinissaat killilerusunnagu.